„Конгресен Центар“ - Охрид

Во 2016 година, Нашите архитекти учествуваа на јавен конкурс за изработка на архитектонско-урбанистичко идејно решение за Конгресен центар во Охрид. На конкурсот освоивме 1-ва Награда за најдобро идејно решение. Објектот е лоциран во северниот дел на градот Охрид во населбата Даљан. Земајќи ја во предвид урбанистичката поставка на овој објект во градско подрачје на градот Охрид, една од неговите основните цели е функционалноста, а истовремено и придонесот кон зголемување на атрактивноста на околината во која е лоциран. Имено, истиот е лоциран на крајниот северен дел на градот, на самата обала на Охридското езеро и во својот склоп ќе вбројува различни содржини кои ќе ја зголемат атрактивноста на објектот и истовремено ќе го раздвижат урбанистичкото ткаење на тој дел од градското ткиво.