Инаку, овој мост е прв од ваков тип во Македонија, а неговото проектирање и изградба се реткост и предизвик за секој инженер кој сака да научи нешто повеќе за новите технологии на градежните конструкции. Конструктивното решение на мостот се одликува со тоа што се применети три вида на конструктивни системи, со три начини на изведба: армиранобетонска конструкција составена од столбови, греди и плочи со монолитна изведба, спрегната мостовска конструкција челик-бетон со полумонтажна изведба, тука спаѓаат изведбата на армиранобетонската плоча на лице место и изведбата на мостовската гредна челична конструкција со монтажна изведба како и третиот вид на конструктивен систем – висечка конструкција од составена од главни носиви кабли и висулки со монтажна изведба. Во 2017 година, на барање на инвеститорот ЈСП Скопје, направена е измена на проектната документација, каде што нашите инженери ги направија потребните корекции со цел објектот да се вклопи во новиот концепт.
